TEH MAHKOTA DEWA BISA KANGGO TAMBA MANEKA WARNA

Limang taunan kepungkur tanduran mahkota dewa populer banget ing satengahe masyarakat. Meh saben pawongan kepingin duwe lan nandur jinis tanduran kang asale saka Pulau Papua kasebut. Tan kocapa bareng wis akeh sing nandur kahanan iku dadi sakwalike, yaiku mahkota dewa mung kaya uwuh.

Kahanan iku kang dimanfaatke bapak Drs. HM. Maryono kanggo tamba. Woh mahkota dewa kang wis dirajang lan dipepe garing dicampur karo teh ijo lan kemladheyan teh. Kanthi campuran mahkota dewa teh 70% lan kemladheyan teh 10%, kang banjur dijenengi minuman kesehatan teh mahkota dewa.

HM. Maryono banjur njajal kasiate jamu iku kanggo tanggane sing lara dharah tinggi lan asam urat dikon ngombe saben esuk lan sore sasuwene seminggu. Asile maremake, tanggane banjur katon sehat. Wiwit kuwi HM. Maryono ngupaya masarake jamune marang tangga-tanggane sing cerak, banjur mbedal tekan njaban daerah. Lan saiki wis tekan saindhenge nuswantara, klebu Merauke.